කාලගුණ විද්‍යා දෙපාර්තමේන්තුව නිකුත් කළ නවතම නිවේදනයට අනුව, දිවයිනේ බොහෝ ප්‍රදේශවල පස්වරු 1.00 න් පමණ පසුව තැනින් තැන වැසි හෝ ගිගුරුම් සහිත වැසි ඇතිවීමේ හැකියාවක් පවතී.
නැගෙනහිර, ඌව සහ මධ්‍යම පළාත්වල උදෑසන කාලයේදීද වැසි හෝ ගිගුරුම් සහිත වැසි ඇතිවිය හැකි බව වාර්තා වේ. විශේෂයෙන් බස්නාහිර, සබරගමුව, මධ්‍යම සහ දකුණු පළාත්වල ඇතැම් ස්ථානවලට මිලිමීටර් 75කට වැඩි තරමක තද වැසි ඇතිවීමේ ප්‍රවණතාවක් පවතින බවද දෙපාර්තමේන්තුව පෙන්වා දෙයි.
මීට අමතරව, බස්නාහිර සහ සබරගමුව පළාත්වලත්, ගාල්ල, මාතර සහ කුරුණෑගල දිස්ත්‍රික්කවලත් ඇතැම් ස්ථානවල උදෑසන කාලයේදී මීදුම් සහිත තත්ත්වයක් පැවතිය හැකි බවද නිවේදනයේ සඳහන් කර ඇත.
කාලගුණ විද්‍යා දෙපාර්තමේන්තුව විශේෂයෙන් අවධාරණය කරන්නේ ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදුවිය හැකි අනතුරු පිළිබඳවයි. මේ හේතුවෙන් සිදුවන හානි අවම කර ගැනීමට අවශ්‍ය ආරක්ෂිත පියවර ගන්නා ලෙස ජනතාවගෙන් ඉල්ලා සිටී.
මෙම කාලගුණික තත්ත්වය හමුවේ ජනතාව අවශ්‍ය පූර්වාරක්ෂක පියවර ගැනීම වැදගත් වන අතර, තම ගමන් බිමන් සැලසුම් කිරීමේදී මෙම තොරතුරු සැලකිල්ලට ගැනීම අත්‍යවශ්‍ය වේ.
 සවස දිවයිනේ බොහෝ පෙදෙස්වල වැසි){kind=link}
Comments
Post a Comment
Your comment will be visible after approval