ඩෑන් ඝාතනය කංජිපා‍නි ඉම්රාන්ගේ වැඩක් බවට සැක

ඊයේ රාත්‍රී සිය නිවස ආසන්නයේ වෙඩි වැදී මියගිය ඩෑන් ප්‍රියසාද්ගේ මරණයට කංජිපානි ඉම්රාන් නමැති විදෙස්ගත පාතාල නායකයාගේ සම්බන්ධයක් ඇති බවට පොලිසිය සැක කරයි. මීට මාස කීපයකට පෙර කංජිපානි අල්ලා නොගැනීම සම්බන්ධයෙන් පිරිසක් සමග ඩෑන් ප්‍රියසාද් " කංජිපානි කියන මේ කොහෙවත් යන හොටු චණ්ඩි අල්ලන බැරි ඇයි" කියමින් උද්ඝෝනයකද නිරතවූයේය. ඔහු එම අවස්ථාවේ ප්‍රකාශ කළේ කංජිපානි වගේ චණ්ඩින්ට අපි බය නැහැ

සරත් වීරසේකර හා දේශබන්දු තෙන්නකෝන් සිටියානම් කංජිපානි අල්ලා අවසන් බවයි.ඔහු එම අවස්ථාවේ කංජිපානි ගැන සඳහන් කරමින් සිදුකළ "නිර්භීත" කතාව මෙසේය.

"රොටුඹේ අමිල ඒ වගේම කුඩු දිලිනිව. එතකොට ලොකු පැටී පොඩි පැටී මේ කුඩු අංජු කියන්නාවූ මේ පිරිසව ලංකාවට හැකි ඉක්මනින් ගේන්න කටයුතු කරන්න. මේ වෙනකොට අපිට පේනවා අපරාධ පරීක්ෂණ දෙපාර්තමේන්තුවත් ඒ වගේම මහජන ආරක්ෂක අමාත්යවරයා නිහඬ පිළිවෙතක් රකිනවා. අපි බලන් හිටියා. මහජන ආරක්ෂක අමාත්යවරයා මාධ්ය ඉදිරියට ඇවිල්ලා ලොකු වචන එහෙම කතා කරලා තියෙන ලොකුවට කිව්වා කංජිපානි ඉන්න තැන මම දන්නවා මම කියන්නෑ කියල අපිට වැඩක් නෑ කංජිපානි ඉන්න තැන.

හැබැයි ඔයා දන්නවා නම් ඔයත් කරන්නේ ලොකු වැරැද්දක්. ඒක නිසා ඔයා දන්නවනම් ඉන්න තැන අදාළ අපරාධ පරීක්ෂණ දෙපාර්තමේන්තුවේ තියෙනවා ජාත්යන්තර පොලිස් ඒකකය දැනුවත් කරන්න කංජිපානි මෙන්න මෙතන ඉන්නේ, අල්ලපන් කියල. හැබැයි ඔයා මාධ්ය ඉදිරියට ඇවිල්ලා කියනවා දැන් හොයා ගන්න විදියකුත් නෑනෙ. වෙලාවකට අපි එතන ඔබතුමාගේ ගේ ඇතුලේ තියාගෙන හංගගෙන ඉන්නවද දන්නේ නෑ. මෙච්චර විශ්වාසයෙන් කියන්නේ.

ඉන්න තැන දන්නවා කියන්න කොන්ද පණ තියෙන මහජන ආරක්ෂක අමාත්යවරයෙක් නම් වහාම මැදිහත් වෙලා කුඩු දිලිනිව, කංජිපානිව, රොටුඹ අමිල, ලොකු පැටී, පොඩි පැටී, කුඩු අංජු - මේ රට විනාශ කරන පරයෝ ටික දෙන්න ඕනේ. ඔබතුමා කංජිපානිට බයද? බය නැත්නම් කංජිපානි ඉන්න තැන වහාම අපරාධ පරීක්ෂණ දෙපාර්තමේන්තුවේ ජාත්යන්තර පොලිස් ඒකකයට කියන්න. මම ඊළඟට ගිහිල්ලා නවතින්නෙ ඔබතුමාට විරුද්ධව ජිනීවාවල.

කංජිපානි රජ කරන යුගයක් නෙමෙයි තියෙන්න ඕන. කංජිපානි කියන මේ කොහෙවත් යන හොරු ගැන හොයන්න බැහැ.
ඕක කරන්න පුළුවන් මනුස්සයෙක් සරත් වීරසේකර. මෙන්න අවස්ථාව, තමන් පොර මම කරයිද බලාගනිල්ලා කියලා. කංජිපානිව ගෙන්වා පෙන්වන්න ලංකාවට.
ඒක නිසා මං කියනවා - කංජිපානිට, කුඩු දිලිනිට මේ රටේ වෙනම නීතියක් නෑ. කංජිපානිගේ කැඳ විකුණනවද මොනවද අපි දන්නේ නැහැ.

 "කංජිපානි වගේ චණ්ඩින්ට අපි බය නැහැ, කංජිපානි වගේ හොටු චන්ඩින්ට බය නෑ". ඔයාලා කංජිපානි වගේ හොටු චන්ඩිට බයවෙලා ඇති.
යකෝ ඌ ත්රස්තවාදියෙක්.
ක්ලබ් වසන්ත මැරුවා. කකා ඉන්නකොට මනුස්සයට වෙඩි තියන්නේ නැහැ. බත් කටක් කනකොට මොන තිරිසන්ද. මුන් චණ්ඩින් නම් ලංකාවට වෙලා ඉන්න ඕන. මොන චණ්ඩිද රටවල් වලට පැනලා හැංගිලා ඉන්න. චණ්ඩිකම් කරන්න ඕන ලංකාවේ ඉඳල. ලංකාවේ ඉඳන් චණ්ඩිකම් කරපල්ල. අන්න එහෙම චණ්ඩි. තොපි ලංකාවෙන් පිට රටවල් වල හැංගිලා.
මේ කොහෙවත් යන එවුන්. මේ රටේ චණ්ඩි කරලා පෙන්නන්න එපා මුන්ට. මේ රටේ නීතිය ක්රියාත්මක කරන්න. මරණ දඬුවම ගැන පාර්ලිමේන්තුවේ ඉන්න 225 ටත් අපි කියනවා ඕගොල්ලන්ගේ ඡන්ද ගැන විතරක් කතා කරන්න එපා. මේ අපරාධකාරයන් ගැනත් කතාකරන්න.

දේශබන්දු දැන් නැහැ.එතුමා හිටියා නම් අද වෙන්නේ නැහැ මේ ඉන්න මේ චණ්ඩි කියන එවුන් ගැන. එතුමා නැති එක අපට පාඩුවක්. ඒ නිසා අපි විශේෂයෙන්ම ඉල්ලනවා, වැඩ කරන්න පුළුවන් එකම පොලිස්පති දේශබන්දු තෙන්නකෝන් මහතාව. එතුමා ඉන්නේ දැන් කොහේද? කරන්න දෙන්න. "

Dan Priyasad Speaks

සම්බන්ධිත ලිපි