Setham Singho, the carpenter's eldest son, Kosala, good luck to you.

හදිසි හෘදයාබාධයකින් 38 වියේදී අඩු වයසේදී  මියගිය පාර්ලිමේන්තු මන්ත්‍රී කෝසල ජයවීර වෙනුවෙන් "කෝසල සොයුර ඔබට සුබ ගමන්" යයි සඳහන් කරමින් ලලිත් ප්‍රිය­ද­ර්ශන දයා­රත්න විසින් පුවත්පතක තැබූ සටහනක් මේ සමග පළවේ.

ඒ අධි­ෂ්ඨා­න­ශීලි යෞව­නයා හාපුරා කියා හමුවූ අව­ස්ථාව හරි­ය­ටම මතක නැහැ. ඒත් හමුවූ තැන නම් හරි­ය­ටම මත­කයි. හමු­වූයේ මැදි­කැලේ ගමේ, කන්ද­උඩ පිහිටි පුංචි ගෙද­ර­කදී. සේතං සිංඤෝ තාත්තාගේ සහ හිතා­ගන්න බැරි තරම් ආද­ර­ණීය, කාරු­ණික අම්මාගේ ගෙද­රදී. සේතං සිංඤෝ තාත්තා ලංකා සම­ස­මාජ පක්ෂයේ සිටි යෝධ­යෙක්. මේ ගෙදර ජනතා විමුක්ති පෙර­මු­ණට විවෘත වුණේ සම­ස­මාජ යෝධ­යාගේ එකම පුතා ජින­වංශ රාම­නා­යක නිසයි. සේතං සිංඤෝ තාත්තාත් ඒ ආද­ර­ණීය අම්මාත් අපි හැමෝ­ටම සැල­කුවේ තමන්ගේ පුතාලා, දූලා හැටි­යට. මෙන්න මේ පුතාලා, දූලා අත­රට යෞවන වියේ සිටි කෝසල නුවන් ජය­වී­රත් එක් වූවා.

කෝසල නුවන් ජය­වීර යෞව­නයා අවි­ස්සා­වේල්ල, තල්දූව ආස­න්නයේ නාපා­වල ගමේ සිටි වඩු කාර්මික තාත්තාගේ ලොකු පුතා. මේ පුතාට මල්ලිලා දෙන්නෙ­කුත් ඉන්නවා. කෝසල නුවන් උසස් පෙළ විභා­ගය අව­සන් කර සිටි කාල­යක, ඇහැ­ලි­ය­ගො­ඩට ඇවිත් දෙහි­ඕ­විට පාරේ ටික දුරක් ගමන් කර, කන්ද නැඟ මැදි­කැ­ලේට ආවා. කිලෝ මීටර් 11ක් විතර දුරක් පයින්ම, සේතං සිංඤෝ තාත්තාගේ ගෙද­රට. ඒ එන අව­ස්ථා­වල මූලික අර­මුණ අවි­ධි­මත් හමු­වී­මක්. ඒ හමු­වීම දේශ­පා­ලන සා පිපා­සාව සංසි­ඳුවා ගැනී­මයි. මත­කයේ හැටි­යට 2005 - 2006 වගේ කාලයේ මේ විදි­හට අපි හමුවී බොහෝ දේශ­පා­ලන කරුණු, කලාව, සාහිත්‍ය ගැන කතා කළා. සේතං සිංඤෝ තාත්තා තරුණ පිරි­සට ඉඩ දී තමන්ගේ පාඩුවේ වැඩක් බලා ගත්තා. අම්මා කෑම බීම­ව­ල­ටත් වඩා වැඩි ආද­රය ඉතා නොම­සු­රුව අපට දුන්නා.


ඉඳ­හිට හමුවී කාලය ගෙවී යන අතරේ කෝසල අපේම සහෝ­ද­ර­යෙක් වී, ශ්‍රී ලංකා විවෘත විශ්ව­වි­ද්‍යා­ල­යට ඇතුළු වුණා. දන්නා තර­මින් නම් අග­මැ­තිනි, ආචාර්ය හරිනි අම­ර­සූ­රි­යගේ ශිෂ්‍ය­යෙක්. මේ දේශ­පා­ල­නික තරු­ණයා විවෘත විශ්ව­වි­ද්‍යා­ලයේ මහා ශිෂ්‍ය සංග­මයේ සභා­පති හැටි­යට තේරී පත්වී විශාල වැඩ කොට­සක් කළා. ඔය අතර 2011 දී ජනතා විමුක්ති පෙර­මුණ අභ්‍ය­න්ත­රයේ කුම­න්ත්‍ර­ණ­කාරී කල්ලි­යක් ක්‍රියා­ත්මක වුණා. පක්ෂය දෙපළු කළා.

මත­කයේ හැටි­යට 2011 දෙසැ­ම්බර්, නැත්නම් 2012 ජන­වාරි විතර සේතං සිංඤෝ තාත්තා මිය ගියා. මැදි­කැලේ කන්ද­උඩ ගෙදර සීතල රාත්‍රි­යක් පුරාම අපි කණ්ඩා­ය­මක් එක්වී මළ ගෙදර පාළු මැකුවා. උණු­සුම් සංවා­ද­ව­ලින් පිරී ගිය රාත්‍රි­යක්. කෝසල සහෝ­ද­රයා න්‍යායා­ත්මක වගේම ප්‍රායෝ­ගික ලෙස බොහො­ම­යක් ප්‍රශ්න ඉදි­රි­පත් කර සංවාද කළා. ඔහු සේතං සිංඤෝ තාත්තාට සමුදී ගියේ ජීවි­ත­යට ලොකුම අධි­ෂ්ඨා­න­යක් හා ශක්ති­යක් එක්ක­ර­ගෙන බව පැහැ­දිලි වුණා. ඔව්, ඒක ඇත්තම බව ඔප්පු කර­මින් ඔහුගේ දේශ­පා­ලන ජීවි­තයේ අති­ශ­යින්ම ආද­ර­ණීය, නිර්මා­ණ­ශීලි ක්‍රියා­කා­රි­ක­යකු හැටි­යට පිමි පනි­මින් ඉදි­රි­යට ආවා. නොයෙ­කුත් ප්‍රායෝ­ගික ගැටලු ඉතාම සියුම් විච­ක්ෂ­ණ­ශීලි ලෙස විස­ඳුවා. හැමෝ­ගේම ආද­රය දිනා­ගත්තා.

සේතං සිංඤෝ තාත්ත­ලාගේ මුල් කාලයේ සම­ස­මාජ බළ­කො­ටු­වක්ව තිබූ තුන් කෝර­ළ­යම ජනතා විමුක්ති පෙර­මුණ වෙත ආක­ර්ෂ­ණය කර ගත්තා. 2018 අගෝස්තු මාස­යෙන් පස්සෙදි තව තවත් වේග­යෙන් ජාතික ජන බල­වේ­ගය වෙත ආක­ර්ෂ­ණය කර ගත්තා. තුන් කෝර­ළය කියන්නේ, රුව­න්වැල්ල, දැර­ණි­ය­ගල සහ යටි­ය­න්තොට කියන මැති­ව­රණ කොට්ඨාස තුනයි. අන්ති­මට 2022 අප්‍රේල් මාසයේ පට­න්ගත් ගෝල්ෆේස් අර­ග­ල­යෙන් ඔහු මුළු රටම දැන­ගන්නා තරු­ණ­යෙක් වුණා.

දේශ­පා­ල­නි­කව තුන් කෝර­ළය විත­රක් නොවෙයි, මුළු කෑගල්ල දිස්ත්‍රි­ක්ක­යම දිනා­ගෙන පාර්ලි­මේන්තු මහ­ජන නියෝ­ජි­ත­යෙක් බවට පත් වුණා. ඉන් පස්සෙදී කෝප් කමි­ටුව හමුවේ ඔහුගේ ක්‍රියා­කා­රි­ත්වය රටම දැන­ගත්තා. මහ­ජන ධනය වංචා කළ, කොල්ල කෑ පිරිස් සලිත වී ගියා. ඒ මහා ආද­ර්ශ­යන් කෙටි කාල­යක් තුළ ලබාදී දශ­ම­යක හෝ දෙයක් තමන් වෙනු­වෙන් අපේක්ෂා නොකර නිහ­ඬ­වම ඔහු යන්න ගියා. කෝසල සහෝ­ද­රය, ඉතින් ඔබට සුබ ගමන්! ඔබ යන්නේ තරුණ තරු­ණි­යන් දහස් ගණ­න­කට මහා ආද­ර්ශ­යන් ගොන්නක් ඉතිරි කර තබ­මින්, ඒ උණු­සුම් හැඟීම රැගෙන යන්න!


නික්ම ගිය කෝසලගේ අවසන් කටයුතු අප්‍රේල් 9දා කෑගල්ලේදී සිදු කෙරේ.